:::: MENU ::::
  • GLOBAL EDUCATION SERVICES

  • BEST EDUCATIONAL GUIDANCE

  • GLOBAL EDUCATION SERVICES

  • BEST EDUCATIONAL GUIDANCE

  • GLOBAL EDUCATION SERVICES

  • GLOBAL EDUCATION SERVICES

  • ALWAYS A STEP AHEAD

Showing posts with label NEET 2024. Show all posts
Showing posts with label NEET 2024. Show all posts
  • May 04, 2024

நீட் தேர்வு எழுதும் மாணவர்களுக்கான முக்கிய அறிவுரைகள்



1. மாணவர்கள்  நுழைய சீட்டில் உள்ளபடி உரிய நேரத்திற்கு தேர்வு மையத்தை அடைய வேண்டும்


2. தேர்வு மையத்தின் நுழைவு வாயிலை மூடிய பிறகு எந்த மாணவரையும் அனுமதிக்க இயலாது


3. தேர்வு முடிவதற்கு முன்னர் எக்காரணத்திற்காகவும் மாணவர்கள் தேர்வு அறையை விட்டு வெளியேறக்கூடாது


4. தேர்வு முடிந்த பிறகு தேர்வு கண்காணிப்பாளர் தேர்வு அறையினை விட்டு வெளியேறலாம் என்று கூறிய பிறகு அறையை விட்டு வெளியேற வேண்டும்


5. மாணவர்கள் நுழைச்சிட்டுள்ள அனைத்து அறிவுரைகளையும் நன்கு படித்து அதன்படி நடந்து கொள்ளுமாறு அறிவுறுத்தப்படுகிறார்கள்.


6. நுழைவு சீட்டில் உள்ள மூன்று பக்கங்களையும் பதிவிறக்கம் செய்து தேர்வு அறைக்கு எடுத்துச் செல்லுமாறு அறிவுறுத்தப்படுகிறார்கள்


7. மாணவர்கள் தேர்வு மையத்தின் முகவரியை கொண்டு ஒரு நாள் முன்னதாக விசாரித்துக் கொண்டால் தேர்வு நாள் என்று தேவையற்ற மன உளைச்சலை தவிர்க்கலாம்.


8. சில மாணவர்கள் தங்கள் சார்ந்த மதத்தின் அடிப்படையில் ஆடைகள் அணிந்திருப்பர். அதுபோன்றோர் தேர்வு மையத்திற்கு முன்னதாகவே சென்று முழுமையான சோதனைக்கு தங்களை உட்படுத்திக் கொள்ளுமாறு அறிவுறுத்தப்படுகின்றனர்.


9. நுழைவு சீட்டு அடையாள அட்டை போன்றவை அவசியம் தேர்வு அறைக்கு எடுத்துச் செல்ல வேண்டும். மாணவர்கள் மெட்டல் டிடெக்டர்களை கொண்டு மட்டுமே ஆய்வு மேற்கொள்ளப்படுவதை தவிர கைகளால் தொட்டு ஆய்வு மேற்கொள்ளப்பட மாட்டாது.


10. மாணவர்கள் தேர்வு அறைக்கு கீழ்க்கண்டவற்றை எடுத்துச் செல்ல அனுமதிக்கப்படுவர்

1. ஒளிபுகு தண்ணீர் பாட்டில்

2. வருகை பதிவேட்டில் ஒட்டுவதற்கு கூடுதலாக ஒரு புகைப்படம் (விண்ணப்பத்தில் உள்ளபடி)

3. நுழைவு சீட்டு மற்றும் சுய உறுதிமொழி படிவத்தை முழுமையாக பூர்த்தி செய்து தபால் அட்டை அளவு புகைப்படத்தை உரிய இடத்தில் ஒட்டவும்.

4. PwD சான்றிதழ் மற்றும் ஆவண எழுத்தர் சம்பந்தமான ஆவணங்கள் தேவைப்படின்


11. மாணவர்கள் தங்களது கையெழுத்தை உரிய இடத்தில் இட்டும் மற்றும் புகைப்படத்தை சரியான இடத்தில் ஓட்ட வேண்டும். இடதுகை கட்டை விரல் முழுமையாகவும் தெளிவாகவும் இட வேண்டும்.


12. பேன் அட்டை/ஓட்டுநர் உரிமம்/வாக்காளர் அடையாள அட்டை/பன்னிரண்டாம் வகுப்பு பொது தேர்வு நுழைவு சீட்டு/ பாஸ்போர்ட்/ ஆதார் அட்டை/ e-ஆதார்/ரேஷன் அட்டை மற்றும் அனைத்து அடையாள அட்டைகள்/ கைபேசியில் ஸ்கேன் செய்யப்பட்ட நுழைவு சீட்டுகள் ஏற்றுக் கொள்ளப்பட மாட்டாது


13. மாணவர்கள் எலக்ட்ரானிக் உபகரணங்கள், கைபேசிகள் மற்றும் தடை செய்யப்பட்ட பொருட்களை தேர்வு அறைக்குள் எடுத்துச் செல்ல அனுமதி இல்லை. தங்களது உடைமைகள் காணாமல் போனால் அதற்கு யாரும் பொறுப்பேற்க இயலாது.


14. சீரான உடை மற்றும் காலணிகள் அணிய வேண்டும். தடித்த அடித்தோல் கொண்ட காலணிகளை அணியக் கூடாது. பெரிய பொத்தான் கொண்ட உடையை அணியக்கூடாது.


15. தேர்வு அறைக்கு உள்ளே வெற்றுக் காகிதங்கள் எடுத்துச் சொல்லக்கூடாது. வினாத்தாளின் இறுதியில் உள்ள வெற்றிடத்தை பயன்படுத்திக் கொள்ளலாம். இதை தவறும் பட்சத்தில் தங்களது விடைத்தாள் திருத்தப்பட மாட்டாது.


16. தேர்வு முடிவுற்ற பிறகு நுழைவு சீட்டை கண்காணிப்பாளரிடம் ஒப்படைக்க வேண்டும். தவறினால் தங்களது விடைத்தாள் திருத்தப்பட மாட்டாது.


17. CCTV கேமராக்கள் மற்றும் ஜேமர்கள் வழியாக மாணவர்கள் தவறிழைப்பது கண்டறியப்பட்டால் தகுந்த நடவடிக்கை எடுக்கப்படும். 


 18. AI தொழில்நுட்பம் மூலமாக மாணவர்கள் கண்காணிக்கப்படுகின்றனர். மேலும் தவறிழைக்கும் மாணவர்கள்,  AI தொழில்நுட்ப கருவிகள் மூலம் கண்டறியப்பட்டு தகுந்த நடவடிக்கை எடுக்கப்படும் எனவும் அறிவுறுத்தப்படுகின்றனர். 


19. தேர்வு முடிந்த பிறகு மாணவர்கள், OMR தாள்கள் ( உண்மை மற்றும் நகல்), நுழைவு சீட்டு ஆகியவற்றை கண்காணிப்பாளரிடம் ஒப்படைக்க வேண்டும். வினாத்தாளை மட்டும் மாணவர்கள் வெளியே எடுத்துச் செல்ல அனுமதி உண்டு. OMR தாளில் தங்களது கையொப்பம் மற்றும் கண்காணிப்பாளரின் கையொப்பம் இரண்டையும் சரி பார்ப்பது மாணவர்களின் கடமையே ஆகும். 


20. மாணவர்கள் NTA வெப்சைட்டை தினம் தோறும் பார்க்க வேண்டும். மேலும் e-mail மற்றும் sms ஐ தினந்தோறும் ஆய்வு செய்யுமாறு அறிவுறுத்தப்படுகின்றனர்.


21. சந்தேகம் அல்லது உதவிக்கு, NTA விற்கு neet@nta.ac.in என்ற e-mail மூலமாகவோ அல்லது 011-40759000 என்ற தொலைபேசி எண்ணில் தொடர்பு கொள்ளலாம்.


மேலும் விபரங்களுக்கும், உதவிகளுக்கும் :

📞 9003381888

  • March 11, 2024

 NEET UG 2024 விண்ணப்பிக்க கடைசி தேதி 16.03.2024 வரை நீட்டிக்கப்பட்டுள்ளது.


NEET UG 2024: நீட் தேர்வுக்கு இதுவரை இல்லாத அளவில் 21 லட்சத்திற்கும் அதிகமானோர் பதிவு; 



இளநிலை மருத்துவ படிப்புக்கான நீட் நுழைவுத் தேர்வுக்கு விண்ணப்பிக்கமார்ச் 9 கடைசி நாளாக அறிவிக்கப்பட்டிருந்தது.

 

இந்தாண்டிற்கான இளநிலை மருத்துவ படிப்புக்கான நீட் நுழைவுத் தேர்வு 2024, மே 5-ம் தேதி நடைபெற உள்ளது. தற்போது இதற்கு விண்ணப்பிக்க 16.03.2023 கடைசி நாளாக அறிவிக்கப்பட்டுள்ளது.  

.

நாடு முழுவதும் எம்.பி.பி.எஸ் (பொது மருத்துவம்), பி.டிஎ.ஸ் (பல் மருத்துவம்), பி.எஸ்.எம்.எஸ் (சித்த மருத்துவம்), ஆயுர்வேதம், யுனானி, ஓமியோபதி உள்பட இளங்கலை மருத்துவப் படிப்புகளிலும் , முதுகலை மருத்துவப் படிப்புகளிலும் சேர மத்திய அரசு தேசிய அளவில் நுழைவுத் தேர்வு நடத்தப்பட்டு வருகிறது.  


அந்த வகையில் இந்தாண்டிற்கான இளநிலை மருத்துவ படிப்புக்கான நீட்  நுழைவுத் தேர்வுக்கு இதுவரை அளவில்  21 லட்சத்திற்கும் அதிகமான மாணவர்கள் பதிவு செய்துள்ளனர். https://exams.nta.ac.in/NEET என்ற இணைய தளத்தில் ஆன்லைன் மூலம் விண்ணப்பிக்கப்பட்டு வருகிறது. கடந்த 2 தினங்களாக ஆன்லைனில் விண்ணப்பிக்கும் போது ஓ.டி.பி பெற முடியாமல் தொழில்நுட்ப கோளாறு ஏற்பட்டதாக மாணவர்கள் புகார் தெரிவித்தனர். இதையடுத்து தேசிய தேர்வு முகமை அந்த சிக்கலை சரி செய்தது. 


இந்நிலையில் இந்தாண்டு இதுவரை இல்லாத வகையில் 21 லட்சத்திற்கும் அதிகமான மாணவர்கள் தேர்வுக்கு விண்ணப்பித்துள்ளனர். கடந்தாண்டு 20.87 லட்சம் பேர் விண்ணப்பித்திருந்தனர்.  விண்ணப்பிக்கும் தேதி நீட்டிக்கப்பட்டிருப்பதால் இந்த எண்ணிக்கை இன்னும் அதிகரிக்கும் என எதிர்பார்க்கப்படுகிறது.

  • February 26, 2024

NEET UG 2024; நீட் தேர்வுக்கு விண்ணப்பிக்க ரெடியா?

கடைசி தேதி இதுதான்; இந்த ஆவணங்கள் முக்கியம்!


NEET UG 2024: நீட் தேர்வுக்கு விண்ணப்பிக்க போறீங்களா? இந்த ஆவணங்களை தயாராக வைத்துக் கொள்ளுங்கள்


NEET UG 2024: தேசிய தேர்வு முகமை (NTA) பிப்ரவரி 9, வெள்ளிக்கிழமை தேசிய தகுதி மற்றும் நுழைவுத் தேர்வு (NEET) 2024 விண்ணப்ப செயல்முறையைத் தொடங்கியது. இந்தியாவில் மருத்துவப் படிப்புகளில் சேர்வதற்கான ஒரே தேர்வான நீட் தேர்வான, மே 5, 2024 அன்று நடைபெறும். தேசிய தேர்வு முகமை நீட் தேர்வை நடத்துகிறது. விண்ணப்பப் பதிவு மார்ச் 9 வரை திறந்திருக்கும். பதிவு செய்ய விரும்பும் இளங்கலை மருத்துவ ஆர்வலர்கள் புதிய NEET இணையதளம் http://neet.ntaonline.ac.in/ மூலம் NEET 2024 தேர்வுக்கு விண்ணப்பிக்கலாம்.


இந்தியாவில், எம்.பி.பி.எஸ், பி.டி.எஸ் மற்றும் இந்திய மருத்துவ படிப்புகளான ஆயுர்வேதா, சித்தா, யுனானி, ஹோமியோபதி போன்ற மருத்துவ படிப்புகளை படிக்க நீட் தேர்வில் தகுதி பெறுவது கட்டாயம். 12 ஆம் வகுப்பில் இயற்பியல், வேதியியலுடன், உயிரியல் (விலங்கியல், தாவரவியல்) படித்தவர்கள் இந்த நுழைவு தேர்வுக்கு விண்ணப்பிக்கலாம்.


நீட் தேர்வுக்கு ஆன்லைன் விண்ணப்பப் படிவத்தை பூர்த்தி செய்யும் போது, ​​விண்ணப்பதாரர்கள் விண்ணப்பக் கட்டணத்தைச் செலுத்த வேண்டும். பொதுப் பிரிவைச் சேர்ந்த இந்திய விண்ணப்பதாரர்களுக்கு, பதிவுக் கட்டணம் ரூ. 1,700. இருப்பினும், இடஒதுக்கீட்டு பிரிவினருக்கு தளர்வுகள் உள்ளன.


NEET UG 2024 விண்ணப்பப் படிவம்: பதிவேற்ற வேண்டிய ஆவணங்கள், பிற தேவைகள்



நீட் தேர்வு விண்ணப்பப் படிவம் 2024 ஐ நிரப்ப, மருத்துவ விண்ணப்பதாரர்கள் செல்லுபடியாகும் மின்னஞ்சல் ஐ.டி மற்றும் மொபைல் எண்ணைக் கொண்டிருக்க வேண்டும். கூடுதலாக, தேர்வர்கள் முகக்கவசங்கள் இல்லாமல் தங்களை புகைப்படம் எடுத்துக் கொள்ள வேண்டும், குறிப்பாக காதுகள் உட்பட 80% முகம் தெரிய வேண்டும்.


விண்ணப்பப் படிவத்தைப் பூர்த்தி செய்வதற்கு முன், விண்ணப்பதாரர்கள் சில முக்கியமான ஆவணங்களைத் தயாராக வைத்திருக்க வேண்டும், குறிப்பாக புகைப்படம் மற்றும் கையொப்பத்தின் ஸ்கேன் செய்யப்பட்ட நகல் (பரிந்துரைக்கப்பட்ட விவரக்குறிப்புகளின்படி), வங்கிக் கணக்கு விவரங்கள், கல்வித் தகுதிச் சான்றிதழ்கள் வைத்திருக்க வேண்டும்.


NEET UG 2024: பதிவேற்ற வேண்டியவை


- பாஸ்போர்ட் அளவு புகைப்படம்


- அஞ்சல் அட்டை அளவு புகைப்படம்


- இடது மற்றும் வலது கை விரல்கள் மற்றும் கட்டைவிரல் பதிவு


- கையொப்பம்


- சாதி சான்றிதழ்


- மாற்றுத்திறனாளிச் சான்றிதழ் (PwBD) சான்றிதழ் (தேவைப்படின்)


- குடியுரிமை சான்றிதழ்


தேர்வர்கள் ஆறு முதல் எட்டு பாஸ்போர்ட் அளவு மற்றும் நான்கு முதல் ஆறு போஸ்ட்கார்ட் அளவு (4” X6”) வெள்ளை பின்னணியுடன் வண்ண புகைப்படங்களை எடுக்க அறிவுறுத்தப்படுகிறார்கள்.



ஆன்லைன் விண்ணப்பப் படிவத்தில் பதிவேற்றம் செய்யவும், தேர்வுக்காகவும், ஆலோசனை மற்றும் சேர்க்கைக்காகவும் புகைப்படங்கள் பயன்படுத்தப்பட வேண்டும். நீட் தேர்வு தொடர்பான அனைத்து ஆவணங்களுக்கும் மற்றும் அனைத்து நோக்கங்களுக்கும் ஒரே புகைப்படம் பயன்படுத்தப்படுவதை உறுதி செய்ய வேண்டும் என்று தேசிய தேர்வு முகமை தெரிவித்துள்ளது.

A call-to-action text Contact us